Ёсць куток на зямлi

Ёсць куток на зямлi,

У самым сэрцы Еўропы

Куды заўжды вялi

Мяне сцежкi i тропы.

Як бы там нi куцiў,

Не праходзiў мой шлях,

Ёсць куток на зямлi,

Дзе вiднееца дах

Нiзкай хаткi з дымком

Памiж яблынь i слiў,

Дзе дзiцём, юнаком

Басанож я хадзiў.

Ёсць куток на зямлi,

Дзе матуля ды тата

Мяне ў школу вялi

Паўз драўляныя хаты.

Дзе ў лугi i палi

Першы раз закахаўся.

Ёсць куток на зямлi,

Якi так спадабаўся.

Бачыу шмат я мясцiн,

Шмат людзей сустракаў.

Ёсць куток на зямлi,

Якi у сэрца запаў.

I яго ў жыццi

Я не стану мяняць:

Буду ў сэрцы нясцi

I ўвесь час праслаўляць.